座廁選購攻略目錄
|
– 座廁種類
分體式座廁
水箱同座廁中間會有連接位，需要靠水箱螺絲連接，價錢相對較平！
連體式/一體式座廁
完件燒製，冇連接位，清潔會比較方便、易處理啲！
– 座廁選購重點
座廁最重要就梗係沖走啲污槽嘢啦！沖水系統一般都分為以下 3 種：
|
沖水系統 |
原理 | 優點 | 缺點 |
|
直沖式 |
座廁到會有好多細嘅隆好嚟沖水，喺短時間用水力沖洗，就好似用水桶一嘢倒落去嘅效果！ |
唔會咁易塞 佔用空間較細 |
會濺起水花 沖水聲大 |
| 漩渦式 | 水流會喺焦棱內壁同水去處出水，形成向心力，造成漩轉嘅水流帶走大便！ |
寧靜 濺起水花少 較慳水 |
佔用空間大 耗水量大 較易淤塞 |
| 虹吸式 | 沖廁時會先令馬桶水位上升，從而產生壓力差，利用虹吸原理將污物吸走。 |
寧靜 少濺起水花 較慳水 |
佔用空間大 耗水量大 較易淤塞 |
沖水量
傳統直沖式一般就會有6公升以上，有一啲慳水嘅設計就會有3升同6升嘅雙容量沖水。
漩渦式就更加慳水，可以做到只要3升同4.8嘅雙沖水。
沖水範圍
直沖式嘅隆同內壁有一段距離，所以會有死角位。而漩渦式就可以全面覆蓋成個廁bowl ，無死角沖水！
去水位：高咀、低咀、自由咀、地去水
高咀
係指座廁去水位嘅中心 (喉中)，離地超過１８０ｍｍ（即６吋）或以上，現時市面上絕大多數嘅樓宇或者係新落成嘅樓宇設計都係高咀！
低咀
座廁去水位嘅中心，離地１００ｍｍ，即４吋左右。通常會喺一啲比較舊式，大約樓齡３０年嘅樓宇，大喉去水位會用低咀式設計．所以低咀嘅座廁款式愈嚟愈少。
自由咀
係將座廁出水位向內縮入去，留出更多足夠空間，去駁長去水喉接駁大廈嘅大喉位，無論係高去水，低去水，甚至是地去水，自由咀都可以自由地安裝到。
由於現時接駁座廁嘅出水位係可以用一種名為〔風琴喉〕嘅物料，所以就算原有大廈屎渠去水位係低位，都係可以用高咀座廁。
地去水(地排)
座廁去水位設於地面，墻面到排汙管中心位305mm！
– 座廁功能選擇
暖板功能
等你喺冬天嗰時，唔駛再一坐落去，就凍到入肺。
易潔塗層
喺廁 bowl上面加上易潔塗層，避免經常有屎積出現。
甚至有一啲智能座廁有便前噴霧，係你如廁前濕潤廁bowl！
洗淨功能
唔少智能座廁都有洗淨功能，相信香港人去日本旅行都有試用過，一般會有臀部清潔，下身洗淨等，仲有啲型號會有幹風功能。
自動感應沖水
等你去完大小2便之後，無須自己撳制沖廁，更衛生方便。
– 座廁清潔及保養貼士
1. 唔好用硬刷頭或者鮑魚刷擦洗！因為廁bowl 一般有塗層，長時間擦洗更有機會令到表面唔平滑、更容易有污積出現。
2. 油壓廁板唔好用力撳！油壓廁板其實係消耗品，壽命會因為使用次數同方式有所影響！
3. 盡量用中性清潔劑，強力清潔劑有可能令塑膠材質出現龜裂嘅情況。
4. 無論你嘅座廁有冇抗菌功能，都要冚埋個廁所板呀！
